Aleksandr Makedonijalaine

Aleksandr Makedonijalaine
amuižgrek.: Ἀλέξανδρος Γ' ὁ Μέγας
Aleksandr Makedonijalaižen büst Britanižes Muzejas, London (om sädud 2.-1. voz'sadal e.m.e.)
radmižen toižend:	politikanmez', military leader, monarh
sündundan dat:	20. heinku 356 edel m.e.
sündundan sijaduz:	Pella[d], Vana-Makedoonia[d]
valdkund:	Vana-Makedoonia[d]
kolendan dat:	10. kezaku 323 edel m.e. (32 vot)
kolendan sijaduz:	Babülon[d], Macedonian Empire[d]
tat:	Philippos II[d]
mam:	Olympias[d]
Aleksandr Makedonijalaine VikiAitas

Aleksandran büst Kezasadus, Piter

Aleksandr Makedonijalaine vai Aleksandr III Sur' (amuižgrek.: Ἀλέξανδρος Γ' ὁ Μέγας «Aleksandros ho Megas», latin.: Alexander III Magnus; sünd. 20 (21). heinku vai 6..10. reduku 356 edel m.e., Pell, Amuine Makedonii — kol. 10. kezaku 323 e.m.e., Vavilon) oli tetab Makedonijan car' vspäi 336 edel m.e. ičeze surmhasai.

Sodamatkad

Kaks'kümnevozne mez' sai tobmut Filipp II-tatan pölištusen jäl'ghe. Kahtes vodes sodapämez' kaiči Makedonijan pohjoižröunoid, tegi Grekanman alištusen täudeks (vagesti Fivid) i sädi ühthižen grekižen armijan. Vozil 334−327 Aleksandr armijanke ališti Persijan imperijad da sen rippujid valdkundoid Keskuzazijas. Vl 327 oti Roksanad naižeks.

Vozil 326−325 napri vägestada Pendžab, no sodaväged oliba väzunuded. Aleksandr armijanke pörduiba Persijan keskuzrajonihe, Suzid-lidnha, i saiba lebud. Sen aigan Aleksandr tegi toštsajan, oti Statira- i Parisat-persijalaižid akoideks. Sodapämez' koli Vavilonas varastamatomas säruläžundaspäi severziš päiviš, hot' lebun jäl'ghe tahtoi-ki vägestada Arabijan pol'saren heimoid da Karfagenan randištod Pohjoižafrikas.

Elon znamoičend

Aleksandr Makedonijalaine sädi ičeze nimel nimitadud imperijad. Se imperii oli hudr i čihozi teravas hänen surman jal'ghe. Koume akad oliba Aleksandral, sunduihe kaks' poigad: Gerakl (oli sündnu naindata) da Aleksandr (Roksana sünduti kus paliči tatan surman jäl'ghe).

Galerei

• 
  Vn 334 Aleksandran kampanii
• 
  Vn 333 Aleksandran kampanii
• 
  Voziden 332—331 Aleksandran kampanii
• 
  Muštpacaz Skopjes Aleksandr Makedonijalaižen oiktastuseks